ABŞ dövlət katibi Antoni Blinken Qəzza zolağında mülki əhalinin müdafiəsinin İsrailə səfəri zamanı müzakirə olunan əsas mövzulardan biri olacağını deyib.
Gununsesi.info xəbər verir ki, Blinekn bu barədə jurnalistlərə xarici tura getməzdən əvvəl deyib və səfər zamanı başqa yerlərlə yanaşı, İsrail və İordaniyaya da səfər etməyi planlaşdırır.
“İsrail təkcə özünümüdafiə hüququna malik deyil, həm də bu tip hücumun bir daha təkrarlanmamasını təmin etmək üçün məsuliyyət daşıyır”, – deyə dövlət katibi bildirib.
Eyni zamanda, Blinken İsrail əməliyyatları zamanı mülki şəxslərin qorunmasının vacibliyini qeyd edib. “Biz həmçinin mülki insanları daha yaxşı qorumaq üçün atılacaq konkret addımlar haqqında danışmaq istəyirik”.
İsrail-Fələstin münaqişəsinin digər ölkələrə yayılmasının qarşısının alınması ABŞ-ın prioritet məsələsidir. Dövlət katibi qeyd edib ki, digər prioritet girovların azad edilməsidir.
Jurnalistin ABŞ-ın Qəzza zolağındakı hərəkətlərinə görə İsrailə təzyiq edib-etməyəcəyi ilə bağlı sualını cavablandıran Blinken bir daha İsrailin özünümüdafiə hüququna malik olduğunu vurğulayıb.
Eyni zamanda, ABŞ dövlət katibi mülki əhalinin ölümündə Fələstinin HƏMAS hərəkatını ittiham edib. “Həmas mülki insanlardan canlı qalxan, xəstəxana və məscidlərdən qərargah kimi istifadə etdi”.
Blinken əlavə edib: “Mən fələstinli uşağın uçmuş binanın dağıntıları altından çıxarıldığını görəndə, İsraildə və ya başqa bir yerdə oxşar hadisəni görəndə olduğu kimi, məni dərindən təsirləndirir”.
Gununsesi.info
