“34 nömrəli tam orta məktəbin həyətində kütləvi dava olması və XI sinif şagirdinin (müvafiq səbəbdən şagirdin adı qeyd olunmur) bıçaqlanması barədə məlumat həqiqəti əks etdirmir”.
Bu barədə məktəbdən verilən məlumatda bildirilib.
Qeyd edilib ki, valideynin yazılı qaydada bildirdiyinə görə, adıçəkilən şagirdin qardaşı 11.06.2023-cü ildə dostu ilə Nabrandakı istirahət mərkəzində mübahisə ediblər, daha sonra Nərimanov rayonunda məhəllələrin birində mübahisənin davamı olub:
“Bu əsnada məktəbin şagirdi də qardaşına görə hadisənin iştirakçısına çevrilib. Həmin şagird bu gün dərs prosesində iştirak edib. Məsələ ilə bağlı hüquq-mühafizə orqanları tərəfindən araşdırma aparılır”.
10:52
Bakının 34 nömrəli orta məktəbindən Nərimanov rayonunda kütləvi dava zamanı şagirdin bıçaqlanması məsələsinə münasibət bildirilib.
Məktəbdən Oxu.Az-ın sorğusuna cavab olaraq qeyd edilib ki, 2006-cı il təvəllüdlü Z.Turabov bıçaqlanmayıb, hazırda dərsdədir.
09:21
Bakının Nərimanov rayonunda kütləvi dava düşüb.
Gununsesi.info xəbər verir ki, hadisə 34 nömrəli orta məktəbin həyətində baş verib.
2002-ci il təvəllüdlü İsrəfilov Röyal Abas oğlu və 2006-ci il təvəllüdlü Turabov Zeynal Məmmədəli oğlu dava zamanı bıçaqlanıblar. Yaralılar xəstəxanaya yerləşdiriliblər.
Faktla bağlı Nərimanov Rayon Polis İdarəsinin 18-ci Polis Bölməsinin əməkdaşları tərəfindən araşdırma aparılır.
Gununsesi.info
