Türkiyə ilə İsveç arasında yeni gərginlik yaranıb.
Gununsesi.info xəbər verir ki, İsveçin Ankaradakı səfiri XİN-nə çağırılıb.
Buna səbəb isə bu gün səhər saatlarında İsveçin paytaxtı Stokholmdakı Türkiyə səfirliyi qarşısında Qurani-Kərimin yandırılmasına polis göz yumub.
Türkiyə XİN-nin açıqlamasında deyilir:
“İsveçdəki Stokholm səfirliyimizin yaxınlığında müqəddəs kitabımız Qurani-Kərimin yandırılmasına icazə verildiyini öyrəndikdən sonra İsveçin Ankaradakı səfiri bu gün Nazirliyimizə çağırılıb.
Səfirə vurğulanıb ki, açıq-aşkar nifrət cinayəti olan bu təxribat xarakterli hərəkəti qətiyyətlə pisləyirik, İsveçin münasibəti qəbuledilməzdir, aksiyaya icazə verilməyəcəyini gözləyirik və müqəddəs dəyərlərin təhqir olunmasını qanun çərçivəsində müdafiə etmək olmaz.
Həmçinin, sabah PKK-ya bağlı dairələr Stokholmun mərkəzində nümayiş keçirəcəklərini açıqladılar; Bildirilib ki, terror təşkilatları və onların tərəfdarlarının təbliğat fəaliyyətinə icazə verilməsi Üçlü Ahitnamənin açıq şəkildə pozulmasıdır”.
Tərcümə:
Afət
