ပြည်သူကိုဗုံးကျဲတိုက်ခိုက်​နေ​သောရန်ကုန်အ​ခြေစိုက်​လေယာဥ်​မောင်းများစာရင်းကို Operation Spitfireထုတ်ပြန်

ပြည်သူများကိုဗုံးကျဲသတ်ဖြတ်နေကြသည့်ရန်ကုန်အခြေစိုက်စစ်ရဟတ်ယာဉ်နှင့်တိုက်လေယာဉ်​မောင်း(ပိုင်းလော့) ၁၄ဦးစာရင်းကိုOperation Spitfireကအောက်တိုဘာ၁၄ ရက် တွင် ထုတ်ပြန်သည်။

Operation Spitfire သည် လေ​ကြောင်းမှ ပစ် ခတ်တိုက်ခိုက်​နေ​သော အကြမ်းဖက်စစ်​ကောင် စီ၏ ​လေတပ်မှ ​လေယာဥ်​မောင်းအပါအဝင် စစ်ရာဇဝတ်မှု ကျူးလွန်​နေသူများ၏ အမည်နှင့်အချက်အလက်များကို စုံစမ်း​ထောက်လှမ်း၍ထုတ်ပြန်​ပေး​နေ​​သော အဖွဲ့ဖြစ်သည်။

စစ်ကောင်စီလက်အောက်တွင်တာဝန်ထမ်းဆောင်ပြီးပြည်သူကို စာနာမှု မရှိ သတ်ဖြတ်ဗုံးကျဲနေသော စစ်ကောင်စီ လေတပ် (ရန်ကုန်)မှ ရဟတ်ယာဉ်နှင့်တိုက်လေယာဉ်မောင်းသူ ပိုင်းလော့ များသည် ဗိုလ်ကြီး အဆင့် ရှိသူများဖြစ်ပြီး ၎င်းတို့၏ နေရပ်လိပ်စာနှင့် ကိုယ်ပိုင်အမှတ်များကိုOperation Spitfireအတိအကျဖော်ပြထားသည်။

ဗိုလ်ကြီးညီညီနိုင်၊ ဗိုလ်ကြီးဖေခိုင်ဟိန်း၊ ဗိုလ်ကြီးအောင်သူဖြိုး၊ ဗိုလ်ကြီးဝေယံလွင်၊ ဗိုလ်ကြီးစောရန်နောင်၊ ဗိုလ်ကြီးကောင်းကျော်ဇင်၊ ဗိုလ်ကြီးကျော်စွာအောင်၊ဗိုလ်ကြီးအောင်မြင့်မြတ် ၊ ဗိုလ်ကြီးသော်ဇင်စိုး၊ ဗိုလ်ကြီးတင့်ထွန်းအောင်၊ ဗိုလ်ကြီးစိုင်းရန်အောင်၊ ဗိုလ်ကြီးဇေယျာမင်းဗိုလ်ကြီးကျော်နိုင်ထွန်း၊ ဗိုလ်ကြီးသိန်းမြတ်ဇော်တို့ဖြစ်​ကြောင်း​ဖော်ပြထားသည်။

ယခုထုတ်ပြန်ချက်မတိုင်မီ အောက်တိုဘာ ၈ ရက်ကလည်း ရန်ကုန်အခြေစိုက် စစ်ကောင်စီပိုင်းလော့ ၁၅ ဦးအမည်စာရင်းကို Operation Spitfire ထုတ်ပြန်ထားခဲ့​​သေးသည်။အဆိုပါ ထုတ်ပြန်ချက်တွင် ဒုတိယဗိုလ်မှူးကြီး အဆင့်ရှိသူ နှစ်ဦး၊ ဗိုလ်ကြီးအဆင့် ရှစ်ဦး နှင့် ဗိုလ်အဆင့် ငါးဦး ပါရှိခဲ့သည်။

၎င်းတို့မှာဗိုလ်မျိုးလွင် ၊ ဒုဗိုလ်မှူးကြီး ကျော်ကျော်ထွန်း ၊ဒုဗိုလ်မှူးကြီး ထက်နောင်တင့် ၊ ဗိုလ်စိုးလွင်၊ဗိုလ်ထွန်းထွန်းဦး ၊ ဗိုလ်ထင်အောင်၊ဗိုလ်ဝင်းနုဝေ၊ဗိုလ်ကြီးကျော်သီဟ ၊ ဗိုလ်ကြီးရဲသွေး ၊ဗိုလ်ကြီးဘုန်းခန့်ကျော်၊ဗိုလ်ကြီးကိုကိုလွင်၊ ဗိုလ်ကြီးဇော်လတ် ၊ ဗိုလ်ကြီး ဇော်ဇော်အောင် ၊ဗိုလ်ကြီးကျော်ဇောဟိန်း ၊ဗိုလ်ကြီး နိုင်ညီညီထွန်း တို့ဖြစ်သည်။

စစ်​ကောင်စီတပ်သည်မြေပြင်တိုက်ပွဲများတွင်အထိ့နာပါက တိုက်​လေယာဥ်များ၊ရဟတ်ယာဥ်များဖြင့် ပြည်သူများကိုပါမ​ရှောင် ဗုံးကျဲခြင်း၊ပစ်ခတ်တိုက်ခိုက်ခြင်းများကို နိုင်ငံတစ်ဝန်းပြုလုပ်​နေသည်။

ထို့အပြင် စက်တင်ဘာ ၁၆ ရက်က စစ်ကိုင်း တိုင်း၊ဒီပဲယင်းမြို့နယ်၊လက်ယက်ကုန်းရွာ စာ သင်ကျောင်းကို အကြမ်းဖက်စစ်ကောင်စီတပ်၏ လေကြောင်း တိုက်ခိုက်မှုကြောင့် ကလေးငယ်များအပါအဝင် ၁၃ ဦး သေဆုံးခဲ့ရသည်။

ယခုအခါစစ်​ကောင်စီလေတပ်ကစစ်ဆင်ရေးဇုံအဖြစ်မှော်ဘီ​လေတပ်၊ တံတားဦး ​လေတပ်၊တောင်ငူ​လေတပ် တို့ကိုအဓိကအသုံးပြု​နေ​ကြောင်း ​စစ်တပ်သတင်းရင်းမြစ်အချို့က​ပြောသည်။ မြစ်ကြီးနား​လေတပ် ကိုမူအရံအဖြစ်ထား​ကြောင်းသိ့ရသည်။

ထိုအပြင် စစ်​ကောင်စီတပ်က ယခင်တိုက်ပွဲများတွင်အထိနာပါက​လေတပ်ကလိုက်ကူ​​သောဗျူဟာ မှ ယခုအခါ PDFစခန်း၊PDF ရှိသည်သတင်းရပါက ​လေ​ကြောင်းတိုက်ခိုက်မှုသုံး​စေ​သောဗျူဟာ​ မကြာ​သေးခင်ကပြောင်းလဲထား​ကြောင်းစစ်တပ်အတွင်းသတင်းရင်းမြစ်အချို့က​ပြောသည်။

“ပြီး​တော့တပ်ထဲမှာ NUG က ငှက်ကင်မယ်ဆိုတဲ့လက်နက် တကယ်မရှိဘူးလို့ ​လေယာဥ်​မောင်း​တွေကို​ပြောထားတယ် ။ pilot တွေလည်း ယုံတဝက် မယုံတဝက်နဲ့။ အကင်ခံရ​စေချင်တာ” ဟု တပ်အတွင်းသတင်းရင်းမြစ်တစ်ဦးက​ပြောသည်။