အမေရိကန် ဒေါ်လာ ၅ သိန်းခွဲ လာဘ်ယူတယ်ဆိုပြီး နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို စစ်ကောင်စီက ဒီနေ့မှာ ထောင်ဒဏ် ၃ နှစ် ထပ်ချလိုက်ပါတယ်။
စီးပွားရေးလုပ်ငန်းရှင် မောင်ဝိတ်ဆီက အမေရိကန် ဒေါ်လာ ၅ သိန်းခွဲ လာဘ်ယူတယ်ဆိုပြီး စစ်ကောင်စီဟာ ဒေါ်အောင်ဆန်းစုကြည်ကို အဂတိပုဒ်မ ၂ မှုနဲ့တရားစွဲထားတာပါ။
အဲဒီအမှု ၂ မှုကို နေပြည်တော်အချုပ်ထောင် စစ်ကောင်စီ တရားရုံးက ဒီနေ့အမိန့်ချရာ ထောင်ဒဏ် ၃ နှစ်စီ စုစုပေါင်း ၆ နှစ်ချခဲ့ပေမယ့် တစ်ပေါင်းတည်းကျခံဖို့အတွက် ဆုံးဖြတ်ခဲ့တယ်လို့ တရားရုံးအသိုင်းအဝိုင်းကနေသိရပါတယ်။
ဒီအမှုဟာ အာဏာသိမ်းပြီးနောက် စစ်ဆေးခံရတဲ့ မောင်ဝိတ်ရဲ့ ထွက်ဆိုချက်ပေါ်မူတည်ကာ စစ်ကောင်စီက တရားစွဲတာဖြစ်ပါတယ်။
မောင်ဝိတ်ရဲ့ ထွက်ဆိုချက်မှာ ဒေါ်ခင်ကြည်ဖောင်ဒေးရှင်းအတွက် အမေရိကန်ဒေါ်လာ ၅ သိန်းခွဲ လှူခဲ့တယ်လို့ပါရှိပါတယ်။
ဒါကိုအကြောင်းပြပြီး စစ်ကောင်စီဟာ ဒေါ်အောင်ဆန်းစုကြည်ကို အဂတိနဲ့တရားစွဲတာပါ။
ဒီနေ့ ချလိုက်တဲ့ ထောင်ဒဏ် ပါ ပါရင် ဒေါ်အောင်ဆန်းစုကြည်ကို စုစုပေါင်းထောင်ဒဏ် ၂၆ နှစ်ထိ ချထားပြီးဖြစ်ပါတယ်။
ဒါပေမယ့် အဂတိအမှုအပါအဝင် နောက်ထပ် ၅ မှုကို ဒေါ်အောင်ဆန်းစုကြည်. ရင်ဆိုင်ရဖို့ ရှိနေပါသေးတယ်။
မောင်ဝိတ်ကတော့ သက်သေလာထွက်ဆိုတဲ့ ရုံးချိန်းမှာ ဒေါ်အောင်ဆန်းစုကြည်ကို ထိုင်ကန်တော့သွားတယ်လို့သိရပါတယ်။
