စစ်ကိုင်းတိုင်း ဗန်းမောက်မြို့နယ်တွင် ဒေသခံပြည်သူ့ကာကွယ်ရေးတပ်(PDF) ပူးပေါင်းအဖွဲ့နှင့် စစ်ကောင်စီတပ်တို့ နှစ်ရက်ဆက်တိုက်ပွဲဖြစ်ပွားခဲ့သည်ဟု Banmauk Revolutionက ဖော်ပြသည်။
ဩဂုတ် ၁၂ရက်က ဗန်းမောက်နယ် ဒယူးရွာအနီးတိုက်ပွဲဖြစ်ပွားခဲ့ပြီး ယနေ့ (ဩဂုတ် ၁၃ရက်)တွင် ဗန်းမောက်မြို့အဝင် နတ်ကြီးကုန်းရွာ၌ တိုက်ပွဲဖြစ်ခဲ့ သည်ဟု ဆိုသည်။
နှစ်ဖက်ထိခိုက်မှု အခြေအနေကို စုံစမ်းနေဆဲဖြစ်ကြောင်း ဖော်ပြထားသည်။
စစ်ကောင်စီတပ်များသည် ယနေ့ နေ့လည်ပိုင်း၌ ရမ်းသမ်းပစ်ခတ်မှုများ ပြုလုပ်ခဲ့၍ ပြည်သူတစ်ဦး ကျည်ထိမှန်လဲကျခဲ့သည်ဟု ဆိုသည်။
ဗန်းမောက်မြို့တွင် အင်အားအများအပြားဖြင့် ကင်းပုန်းတ်ခြင်း၊ ကားဆိုင်ကယ် များကို စစ်ဆေးခြင်း၊ မြို့အနီး ကျွန်းတော်ပေါ်တွင် တပ်စွဲထားခြင်းကြောင့် ဒေသခံပြည်သူများ စိုးရိမ်စိတ်ဖြင့် နေထိုင်နေကြရကြောင်း ဖော်ပြထားသည်။
ဗန်းမောက်မြို့နယ်တွင် ယခင်လနှင့် ယခုလအတွင်းတိုက်ပွဲများ မကြာခဏ ဖြစ်ပွားနေပြီး PDFများ နှင့်အတူ ကချင်လွတ်လပ်ရေးတပ်မတော်(KIA) တပ်ဖွဲ့များပါ ပူးပေါင်းတိုက်ခိုက် လျက်ရှိသည်။
