KNU ကရင်အမျိုးသားအစည်းအရုံးရဲ့ ဦးဆောင်မှုနဲ့ ကရင့်အမျိုးသားရည်မှန်းချက် ပန်းတိုင်ဆီကို စည်းလုံးညီညွှတ်စွာ ဆက်လက်လျှောက်လှမ်းကြဖို့ ကရင်လူငယ်အစည်းအရုံး (KYO) က ၇၂ ကြိမ်မြောက် ကရင့်အမျိုးသားအာဇာနည်နေ့အတွက ်ပေးပို့တဲ့သဝဏ်လွှာမှာထည့်သွင်းတိုက်တွန်းလိုက်ပါတယ်။
ကရင်အမျိုးသားအာဇာနည် တွေရဲ့ ရည်မှန်းချက်တွေ ပြည့်ဝဖို့ ၊ လူမျိုးမပျောက်ဖို့ ၊အနိုင်ကျင့်ဖိနှိပ်အုပ်စိုးမှုကနေ လွတ်မြောက်ဖို့အတွက် ကရင်လူမျိုးသားတွေသွေးစည်းညီညွှတ်ကြဖို့လိုပြီး KNU ရဲ့ ဦးဆောင်ဦးရွက်ပြုမှုဟာအရေးကြီးတယ်လို့ ဆိုထားပါတယ်။
အမျိုးသားရေးရည်မှန်းချက် အောင်မြင်ဖို့အတွက် လုပ်အား ၊ငွေအား တတ်စွမ်းသမျှ ပါဝင်ကြဖို့ကိုလည်း KYO က တိုက်တွန်းထားပါတယ်။
ကရင်လူမျိုးတစ်ဦးစီတိုင်းရဲ့ ပေးဆပ်မှု ၊အနစ်နာခံမှု ၊ကိုယ်ကျိုးစွန့်မှုတွေ မရှိရင် ပန်းတိုင်ကို ရောက်နိုင်မှာမဟုတ်ဘူးလို့လည်း KYO ကအသိပေးထားပါတယ်။
