Bu sürətlə davam edəcəyi təqdirdə yaxın 6-8 həftə ərzində Avropa əhalisinin 50 faizi koronavirusun “omikron” ştammına yoluxacaq.
Gununsesi.info-nun məlumatına görə, bunu Ümumdünya Səhiyyə Təşkilatı (ÜST) Avropa regional bürosunun rəhbəri Hans Klüge deyib.
O bildirib ki, regionun 53 ölkəsindən 50-də “omikron” ştammı qeydə alınıb.
“2022-ci ilin birinci həftəsində regionda 7 milyon yeni yoluxma qeydə alınıb. Bu, əvvəlki həftə ilə müqayisədə iki dəfə çoxdur. Qərbi Avropada və Balkanlarda bu ştamm dominant olmağa başlayıb. Bu tempdə davam edəcəyi təqdirdə 6-8 həftə ərzində Avropa əhalisinin 50 faizi “omikron” ştammına yoluxacaq”, – deyə o bildirib.
Gununsesi.info
