Rusiya 2016-cı ildə “Avroviziya” mahnı müsabiqəsində qalib gələn ukraynalı müğənni Camalanı axtarışda olan cinayətkarlar siyahısına əlavə edib.
Gununsesi.info bildirir ki, Rusiyanın dövlət mediası TASS-ın xəbərinə görə, tam adı Susana Camaleddinova olan Krım tatarı Camala “cinayət ittihamı ilə axtarışda olanlar siyahısına” əlavə edilib.
TASS Rusiya Daxili İşlər Nazirliyinin axtarış məlumat bazasına istinadən xəbər verib ki, sənətçi “Rusiya Federasiyası Cinayət Məcəlləsinin maddəsi ilə” siyahıya alınıb.
Hərbi mənbələr bildiriblər ki, Camalanın siyahıya əlavə edilməsi “Rusiya ordusu ilə bağlı yalan xəbərlərin yayılması işi ilə bağlı ola bilər”.
2022-ci ilin aprelində Camala 50 il müddətinə Rusiyaya girişi qadağan olunmuş ukraynalı sənətçilərin siyahısına əlavə edilib.
Keçdiyi həyat yolundan danışan Camala yaşadıqlarını belə ifadə edib:
” Türkiyəyə qaçqın kimi gələcəyimi heç düşünməmişdim. Həyat yoldaşım məni fevralın 24-də səhər saat 05:00-da bomba səsi ilə oyatdı və dedi ki, Kiyevə raket hücumu olub. Əvvəldən nə edəcəyimi bilmirdim. Çox qərarsız idik.
Uşaqlarımı yığıb sığınacaqlara düşdük. Daha sonra iki dəfə siren xəbərdarlığı gəldi və biz yenidən sığınacaqlara enməli olduq. Axşam saatlarına doğru başa düşdük ki, bütün Ukrayna mühasirəyə alınıb və hər azarkeşin müxtəlif şəhərlərində bomba səsləri eşidilir. Kiyevi tərk etməli olduq. Qərbi Ukrayna bölgəsinə qaçmalı olduq”.
Qeyd edək ki, Camala 2016-cı ildə “Eurovision”da ölkəsi Ukraynanı təmsil edib və Krım tatar ailəsinin ağrılı sürgün hekayəsindən bəhs edən “1944” mahnısı tam qiymət alıb və Avropada birinci olub. Camala keçən il əri və iki uşağı ilə İstanbula gələrək sığınacaq istəyib.
Gununsesi.info
