Ötən il Azərbaycanda nə qədər cinayət baş verib? - VİLAYƏT EYVAZOV AÇIQLADI

  • By admin
  • 23 Yanvar 2023 15:46

“2022-ci ildə əməliyyat-axtarış və istintaq fəaliyyətinin subyekti olan dövlət qurumları üzrə 36.494 cinayət qeydə alınıb və onlardan 95.2 faizi daxili işlər və prokurorluq orqanlarının prosessual qaydada araşdırdığı hüquqazidd əməllər olub. Cinayətlərin 83.4 faizini böyük ictimai təhlükə törətməyən və az ağır növlər təşkil edib”.

Gununsesi.info xəbər verir ki, bunu DİN rəhbəri Vilayət Eyvazov nazirliyin kollegiya iclasında deyib.

HTML tutorial

Onun sözlərinə görə, həyata keçirilmiş əməliyyat-axtarış tədbirləri və istintaq hərəkətləri ilə cinayətlərin 89.7 faizinin  açılması təmin edilib:

“Ayrı-ayrı hüquqazidd əməllərin açılmasının nəticələri də yüksək olmaqla ağır və xüsusilə ağır cinayətlərin 85.3,  qeyri-aşkar şəraitdə baş verənlərin 85.7, şəxsiyyət əleyhinə olanların 98.2, mülkiyyət əleyhinə olanların 81.8 faizi açılıb.
Prokurorluq orqanları ilə birgə cinayətlərin qarşısının alınması, açılması, istintaqı, bütövlükdə vətəndaşların qanuni mənafelərinin qorunması sahəsində davamlı iş aparılıb, o cümlədən keçmiş illərdən bağlı qalmış 368 cinayət üzrə təqsirli şəxslər müəyyən edilərək məsuliyyətə cəlb olunub”.

Kollegiyada o da qeyd olunub ki, müqayisə edilən dövrə nisbətən 2022-ci ildə şəxsiyyət əleyhinə olan cinayətlər 2.4, o cümlədən qəsdən adam öldürməyə cəhdlər 13, qəsdən sağlamlığa ağır zərər vurmalar 5, odlu silahın tətbiqi ilə baş verən cinayətlər 17.6, ailə münaqişəsi zəminində törədilənlər 2.4, mal-qara oğurluğu 21.3 faiz azalıb.

Mətləb Yaqublu

Gununsesi.info