İstanbulun mərkəzində Qarabağ Şəhidlərinin adını daşıyan park salınacaq.
Bu barədə Gununsesi.info-ya “Palmali Holding”in mətbuat katibi Fidan Quliyeva bildirib.
Onun sözlərinə görə, şirkətin qurucusu, azərbaycanlı iş adamı Mübariz Mənsimov Beşiktaş Bələdiyyəsinin rəhbərliyi ilə bununla bağlı danışıqlar aparıb və razılıq əldə edilib:
“Hal-hazırda layihəni həyata keçirmək üçün Beşiktaşda uyğun yer axtarılır. Xatırladaq ki, bundan əvvəl İstanbulda Heyder Əliyev adına və Azərbaycan-Türkiyə qardaşlıq parkları məhz Mübariz Mənsimov tərəfindən salınıb”.
Qeyd edək ki, Beşiktaş İstanbul şəhərinin ən dəyərli, prestijli, strateji və ən mərkəzi bölgəsi sayılır.
Günay
Gununsesi.info
