Milli Məclisin üzvü Fazil Mustafa Rusiya, Gürcüstan sərhəddində qalan yüzlərlə vətəndaşın problemlərinə diqqət çəkib.
Gununsesi.info bildirir ki, deputat konkret fakta söykənərək, hökumətə tələbdə bulunub.
“İndicə Mahaçqalada qiyabi təhsil alan bir tələbə zəng etmişdi. Hönkür-hönkür ağlayırdı. 40 gündür universitetdə dərs üçün gedib, indi geri dönməyə yol yoxdur. Deyir hökumətimiz öz ölkəmizə quru sərhədimiz bağlı olduğuna görə buraxmır. Ümidimiz sizədir, yuxarılara vəziyyətimizi çatdırın. Minlərlə bu cür acınacaqlı durumda qalan Azərbaycan vətəndaşı var Dərbənddə, Mahaçqalada, Gürcüstanda…Kimə başa salasan, kimə anladasan. Səfirliyimiz problemi çözməyə acizdir. Ay məmurlar, cəhənnəm olsun pandemiya , zillət içində qalan odun deyil e, Azərbaycan vətəndaşıdır! Təcili açın qapıları öz Vətənlərinə dönsünlər. Təminat verirəm, heç bir xəstəlik-filan artmayacaq. Ac-yalavac nə qədər yad ölkədə çöllərdə qalacaqlar, aşağılanacaqlar!
Mediadakı dostlarımızdan xahiş edirəm, bu çağırışı yayın ki, bəlkə təsiri ola”.
Gülnar Məmmədli
Gununsesi.info
