Amerika Birləşmiş Ştatları daha bir Rusiya neft xidməti şirkətinə qarşı sanksiyalar tətbiq edib.
Gununsesi.info xəbər verir ki, bu barədə ABŞ Maliyyə Nazirliyinin Xarici Aktivlərə Nəzarət Ofisinin (OFAC) bəyanatında deyilir.
Neft-qaz infrastrukturunun tikintisi üzrə ən iri podratçılardan biri olan “Velesstroy” MMC-yə məhdudiyyətlər qoyulub.
Bundan əlavə, SDN-Siyahıya “Stroygazconsulting”in aktivləri əsasında yaradılmış “Qazprom”un əsas tikinti podratçısı olan “Qazstroyprom” ASC daxildir.
Sanksiyalar həmçinin neft-qaz sənayesi üçün perforasiya sistemləri və kimyəvi reagentlər istehsalçısı olan Ufada yerləşən “BashVzryvTekhnologii” ASC-yə qarşı tətbiq edilib.
Sanksiya siyahısına qaz konserninin geoloji kəşfiyyat işlərinin operatoru olan “Qazprom Nedra” MMC də daxildir.
Arzu
Gununsesi.info
