Meksika Hərbi Dəniz Qüvvələri ABŞ-ın ən çox axtarılanlar siyahısında olan meksikalı narkobaron Rafael Caro Quintero-nun ölkənin qərbindəki Sinaloa əyalətində həbs edildiyini açıqlayıb.
Gununsesi.info-nun xarici mediaya istinadən verdiyi xəbərə görə, Quintero 1985-ci ildə Amerika narkotik əleyhinə agenti oğurlamaq, işgəncə vermək və öldürməkdə ittiham olunur.
Donanma, 69 yaşında olduğu güman edilən Quintero-nun gizləndiyi kolluqlarda Maks adlı xüsusi təlim keçmiş it tərəfindən tapıldığını açıqlayıb. ABŞ isə Kinteronun dərhal deportasiyası üçün çalışacaqlarını bildirib.
ABŞ-ın baş prokuroru Merrik Qarlan, “Amerika təhlükəsizlik qüvvələrini oğurlayan, işgəncə verən və öldürən heç kimin gizlənəcək yeri yoxdur. Rafael Caro Quintero-nun tutulmasına görə Meksika səlahiyyətlilərinə minnətdarıq” dedi.
Quintero Guadalajara kartelinin üç yaradıcısından biri idi.
Afət Abbasova
Gununsesi.info
