Uzun müddətdir ki, ABŞ-da yaşayan təhlükəsizlik məsələləri üzrə ekspert Ərəstun Oruclu bu günlərdə Azərbaycana qayıdıb.
Qeyd edək ki, onun ölkəyə qayıdışı ilə bağlı sosial şəbəkələrdə müxtəlif fikirlər yazılıb.
Belə ki, Ərəstun Oruclunun mühacirətdə olduğunu vurğulayan bəzi şəxslər onun hakimiyyətlə danışıqlardan sonra ölkəyə qayıtdığını iddia edib.
Gununsesi.info-ya açıqlamasında isə Ərəstun Oruclu bu iddiaları təkzib edib.
Azərbaycandan birdəfəlik getmədiyini vurğulayan Oruclu bildirib ki, ABŞ-a işləməyə gedib: “Mən bir neçə ildir ki, müxtəlif proqramlar çərçivəsində ABŞ-da çalışmışam. Dəfələrlə ölkəyə gəlib-qayıtmışam. Pandemiya dövründə ölkəyə gələ bilmədim. Mən heç zaman heç bir yerdə deməmişəm ki, mühacirətdəyəm. Pandemiyadan sonra 2 dəfə Azərbaycana gəlmişəm”.
Afət Abbasova
Gununsesi.info
