Azərbaycan Respublikası Dövlət Neft Fondu 2020-ci ilin yanvar-noyabr ayları ərzində Azəri-Çıraq-Günəşli və Şahdəniz üzrə ümumi 3 milyard 612 milyon ABŞ dolları həcmində gəlir əldə edib.
Gununsesi.org xəbər verir ki, Dövlət Neft Fondundan verilən məlumata əsasən, fond ilk 11 ay ərzində Azəri-Çıraq-Günəşli yatağından 3 milyard 336 milyon ABŞ dolları həcmində gəlir əldə edib.
Həmçinin, 2020-ci ilin yanvar-noyabr ayları ərzində Şahdəniz qaz və kondensat yatağından əldə edilən gəlirin həcmi 276 milyon ABŞ dolları olub.
O cümlədən, Şahdəniz yatağı üzrə kondensatın satışından əldə olunan gəlir 205 milyon ABŞ dollarını təşkil edib.
