İnkişaf etmiş ölkələrdə vaksinasiya 60-70 faizə qədər çatıb. İnkişaf edən ölkələrin bir çoxunda isə 10 faizə çatmayıb. Təbii ki, bu, qeyri-bərabər, ədalətsiz yanaşmadır.
Gununsesi.info xəbər verir ki, bunu Prezidentin köməkçisi Şahmar Mövsümov “COVID-19-dan sonrakı dünya” mövzusunda VIII Qlobal Bakı Forumu çərçivəsində jurnalistlərə açıqlamasında deyib.
O bildirib ki, bu qlobal pandemiyadır, hansısa bir ölkə bunu bitirə bilməz, bütün ölkələr pandemiyaya qarşı mübarizədə birləşməlidilər ki, bu tezliklə bitsin.
Qeyd edək ki, Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə carı ilin 4-6 noyabr tarixlərində “COVID-19-dan sonrakı dünya” mövzusunda növbəti Qlobal Bakı Forumu keçirilir.
Gununsesi.info
