Azərbaycan Səhiyyə nazirinin müavini Elsevər Ağayev İstanbulda Türk Sağlamlıq Elmlər Şurasının toplantısında iştirak edib.
Gununsesi.info-nun xəbərinə görə, bir neçə ölkənin səhiyyə nazirlikləri təmsilçilərinin qatıldığı toplantıda çıxış edən nazir müavini “COVİD-19” pandemiyası ilə mübarizə sahəsində ölkəmizin gördüyü işlərdən danışıb.
E.Ağayev çıxışında bildirib ki, Azərbaycan son zamanlar Türkiyə xalqı və dövlətindən ciddi dəstək görüb.
Elsəvər Ağayev dünyanın koronavirusla mübarizə apardığı bir dövrdə Azərbaycanın da “digər viruslarla” mübarizə apardığını xatırladıb: “Azərbaycanın onsuz da iki cəbhəsi var. Biz bu pandemiyanı müharibə elan etdik. Dünya onunla müharibə vəziyyətindədir. Ölkənin adını sağlamlıq görüşü olduğu üçün çəkmədim və”ikinci virus “adlandırdım. Biz də bu virusla mübarizə aparırıq”.
Nazir müavini vurğulayıb ki, çoxsaylı görüşlər heç bir nəticə verməyib: “Nəinki Qarabağ bölgəsinə, həm də Azərbaycanın digər bölgələrinə hücum etdilər.Yeddinci ayda Tovuz bölgəmizə hücum etdilər və cavablarını aldılar.Müharibə meydanında mülki insanlara edilən bu hücumların cavabı Azərbaycan tərəfi tərəfindən yüksək səviyyədə verildi. Qaçmağa başladılar”.
Ağayev, Türkiyənin bu müddətdə Azərbaycana dəstək verməsinə toxunub: ” Qardaş ölkədən yanıq mütəxəssisləri Azərbaycanda 2 komanda kimi çalışır. Tələb olunduqda Türkiyənin hər sahədə yanımızda olduğunu görürük. Bir şeyi də vurğulamaq istəyirəm Türkiyə xalqı, dövlət və Prezidentimizə minnətdarıq. Hər ikisi də mənəvi və siyasi dəstək mənasında bizimlə olduğunuz üçün sizə təşəkkür edirəm. Bu qardaşlıq hər zaman davam etməlidir”.
Günay Təhməz
Gununsesi.info
